കമ്യുണിസ്ടുകാരും - തേങ്ങയും......
ഇന്ന് ഞായറാഴ്ച അവധി ആയതിനാല്‍.....വിട്ടില്‍ കുറച്ചു തെങ്ങയുള്ളത് ഉരിക്കാന്‍ തിരുമാനിച്ചു....ഓരോ തേങ്ങയും ഉരിക്കുമ്പോള്‍ തോന്നിയ ചില ചിന്തകള്‍ ഞാന്‍ വായനക്കാരോട് പങ്കുവെക്കുന്നു.....ഡിഗ്രിയൊക്കെ കഴിഞ്ഞു വെറുതെ ഇരിക്കുമ്പോള്‍ വിട്ടിലുണ്ടായിരുന്ന തേങ്ങ മുഴുവന്‍ ഞാന്‍ തന്നെ ആയിരുന്നു പൊളിച്ചു അടക്കതെരുവില്‍ വിറ്റിരുന്നത്‌.......അന്ന് പാര ഉപയോഗിച്ചാണ്‌ ഞാന്‍ തേങ്ങ ഉരിചിരുന്നത്....ഇന്ന് നാട്ടിലൊന്നും പാര കാണാനില്ല....പാരയുടെ സ്ഥാനം യന്ത്രം കയ്യടക്കി....പാര വേണമെങ്കില്‍ കൊട്ടാരക്കര വരെ പോവേണ്ട സ്ഥിതിയാണ് ..... പാര കൊണ്ട് ഉരിക്കുന്ന അത്ര സുഖം യന്ത്രം കൊണ്ടില്ല....അന്ന് കമ്യുണിസ്ടുകാരെ പോലെ തന്നെ നാട്ടില്‍ ധാരാളം നല്ല തെങ്ങയുണ്ടായിരുന്നു....നല്ല വിലയുമുണ്ടായിരുന്നു.......ഇന്ന് തേങ്ങയ്ക്കും ഒരു വിലയുമില്ല .....കമ്യുണിസ്ടുകാര്‍ക്കും!
തെങ്ങിന്റെ കാര്യം പറയുകയാണെങ്കില്‍....നല്ല കമ്യുണിസ്ടുകളെ പോലെ തന്നെ നല്ല തെങ്ങുകളുമില്ല.....മിക്കതും മണ്ടരി പിടിച്ചു പോയി.......ഇനിയിപ്പോ ഉള്ള തെങ്ങുകളാകട്ടെ ഒന്നുകില്‍ വിടിന്റെ മുകളിലേക്ക് ചാഞ്ഞ്‌ വിടിന് തന്നെ ഭിഷണി ആയിട്ടുള്ളവയും...അല്ലെങ്കില്‍ എതിര്‍ കക്ഷിയുടെ പറമ്പിലേക്ക് ചാഞ്ഞ്‌ കിടക്കുന്നവ....അതില്‍ നിന്നും ഇടയ്ക്ക് വിഴുന്ന തേങ്ങകള്‍ മുഴുവന്‍ എതിര്‍ കക്ഷിക്കെ ഉപകാരം ചെയ്യുന്നുമുള്ളു .......ഇങ്ങനെ ആണെങ്കില്‍ നാട്ടില്‍ നല്ല തേങ്ങ അന്യം നിന്ന് പോവുന്ന സ്ഥിതി ആണ് കാണുന്നത്......
